कृषी कायद्याविरोधात काँग्रेसच्यावतीने सोमवारी ट्रॅक्टर व बैलगाडी मोर्चा
। अक्कलकोट : प्रतिनिधी
केंद्रीय कृषी कायद्याच्या विरोधात काँग्रेस पक्षाच्या वतीने सोमवार दिनांक 2 नोव्हेंबर रोजी दुपारी एक वाजता भव्य बैलगाडी,ट्रॅक्टर मोर्चा राज्याचे गृहराज्यमंत्री सतेज पाटील यांच्या उपस्थितीत काढण्यात येणार असल्याची माहिती माजी राज्यमंत्री सिद्धराम म्हेत्रे यांनी दिली.
अक्कलकोट येथे काँग्रेस भवनमध्ये बैलगाडी व ट्रॅक्टर मोर्चाच्या नियोजनासाठी काँग्रेस कार्यकर्त्यांची बैठक आयोजित करण्यात आलेली होती.
याप्रसंगी माजी राज्यमंत्री सिध्दाराम म्हेत्रे हे बोलत होते. याप्रसंगी काँग्रेसचे जिल्हा कार्याध्यक्ष अशपाक बळोरगी, जि.प. सदस्य मल्लिकार्जुन पाटील, पंचायत समिती सदस्य विलासराव गव्हाणे, मल्लीकार्जून काटगाव, काँग्रेसचे शहराध्यक्ष भीमाशंकर कापसे, युवक अध्यक्ष बाबा पाटील, मुबारक कोरबु, महिला आघाडीचे मंगल पाटील, राजा जाधव, सातलिंग शटगार, धानेश अचलारे, विश्वनाथ हडलगी, वागदरीचे सुधीर सोनकवडे, सायण्णा गायकवाड, माजी नगरसेवक रामचंद्र समाणे, शिवशरण इचगे, शशीकांत बकरे, पंचायत समिती सभापती सुनंदा गायकवाड, उपसभापती प्रकाश हिप्परगी, वकील बागवान, शिवराज स्वामी, राजकुमार लकाबशेट्टी, जहांगीर शेख, काशिनाथ बनजगोळ,सिद्धाराम भंडारकवठे,शाकीर पटेल,पांडुरंग चव्हाण आदी उपस्थित होते.
हा मोर्चा फत्तेसिंह क्रीडांगणपासून प्रारंभ होणार असून एवन चौक, छत्रपती शिवाजी महाराज चौक, बसस्थानक, विजय कामगार चौक,कारंजा चौक,मेन रोड मार्गे फत्तेसिंह चौक, जुना तहसील कार्यालय मार्गे काँग्रेस भवन येथे समारोप होणार आहे. जुना तहसील कार्यालय येथे मान्यवरांच्या हस्ते तहसिलदार यांना विविध मागण्यांचे निवेदन देण्यात येणार आहे. या बैलगाडी व ट्रॅक्टर मोर्चात सर्व शेतकर्‍यांनी उपस्थित रहावे असे आवाहन माजी राज्यमंत्री म्हेत्रे यांनी केले आहे.
याप्रसंगी बोलताना जिल्हा काँग्रेसचे कार्याध्यक्ष अशपाक बळोरगी म्हणाले की मैंदर्गी,सलगर भागात सह्यांच्या मोहिमेसंदर्भात सभा घेतलेल्या असून काँग्रेस पक्षातर्फे 1 लाख लोकांच्या सह्या केंद्रीय कृषी कायद्याच्या विरोधात घेण्यात येणार असल्याचे सांगितले. बैठकीचे सूत्रसंचालन व प्रास्ताविक दिलीप बिराजदार यांनी तर आभार मुबारक कोरबु यांनी केले.
About Author
